芬達再次入住MILKOTEL DAY4

時間過得好快，貶下眼，芬達已經住左四日，聽日就CHECK OUT啦！雖然今日矛嘜特別地方去，一如以往都係係樓下行行企企，不過希望你唔會覺得悶啦！亦都希望你記得呢個地方！
行行企企，米就係行幾行，又要企定定影下相！

芬達再次入住MILKOTEL DAY3 PART2

沿路再上，有好大地方，人影都矛，當然除左我地啦！D畫畫得好正，唔洗講，梗係成為我地布景版啦！

芬達再次入住MILKOTEL DAY3 PART1

今日五一勞動節，記得上年去左青衣行山，今年梗係要出去勞動一下，難得芬達係到，一於出去玩！約好係黃金海岸食LUNCH，好彩我今朝提左芬達唔好食早餐(實情係我地倆個都唔肯食)，因為我估到契媽一定有好野食！我地一點鐘到左，我都話矛估錯啦！鴨胸蘋果，芬達我都話矛點你啦！我係米好醒先！

芬達再次入住MILKOTEL DAY2

今朝起身又到派飯時間，隔離飯香果然無錯，芬達對我糧好有興趣，我就讓過佢，茶包話今晚要用閘隔開食先得！
食完早餐又訓過，訓到十一點幾先起身！不過外面陰陰天！一直等到下晝三點幾，終於放晴！轟轟聲，野出街！

芬達再次入住MILKOTEL DAY1

芬達媽咪上個月話芬妹會黎住幾天，因為要去BIG SIX探芬爸，同時要芬達接受大膽訓練"青鈴"，今晚就黎到我家CHECK IN 啦！睇我有幾熱烈"框演"！
芬達你記得呢到無！你聖誕先至黎過！

呀虎癲鬼左！

親愛的朋友們:

呀虎今晨突然發癲，唔知係米傻左，不受控制！以電郵通知有關部門作出修理！為免引起閣下精神崩潰同發癲之前，懇請閣下張喇叭收細，直至另行通知，請繼續細心收看！

對於引致閣下任何不便之處，本人致以萬二分歉意，祈請閣下體恤及見諒！

瘋癲中的奶茶上

復活最終擊—錦田俱樂部

禽日先瘋癲完一日，諗住今日休息一天為復活節添上完美句號！點知十二點零收到茶包廿幾年老友"鑊鴨屎"吹雞去野餐！你知我尋日先沖完涼，就婉拒唔去！點知電話同"鑊鴨屎"不停，大人同小朋友話好耐矛見我，又叫我D人類小朋友仔(係我末有狗地朋友前，成日都係同佢地反)傳送語音信息話，我好掛住奶茶！又就我地D我可以去地方玩，係盛意拳拳之下，加上有人就黎要返工，我要做食蕉關係下就答應去玩埋今日啦！我地去左近近地錦田俱樂部玩！
今日好好天同間唔屎有風，都OK！

復活二擊—烏蛟騰(下)

食呀食呀！快樂不知時日過，咁就坐左一粒鐘，短短一句鐘，我又回復能量！不停發揮我牧人犬本能！我地行左去海岸公園！

復活二擊—烏蛟騰(上)

終於到左復活節戲肉，但又怕天氣唔好，又怕太熱，都唔知去邊好！禽晚急急吹雞，決定去遠D，就選定烏蛟騰作為暫別行山之旅(又啦屎，你地信唔信)！但如果太熱就閉家伙，上個禮拜出左晴天公仔，有人提議整返個涼快公仔，諗左好耐，點先為之涼快，終於構思左個涼快公仔，實情係抄雜就真，米就係大雞冷氣三梅衣拉E果隻野，似無！人定勝天，今日靠你兩位啦！

復活第一擊

天文台話今日有雨，有人又唔豬洗唔洗返工，所以都矛安排任何活動！到左下晝兩點零，應該都唔洗返工，有矛落雨，CALLING乖乖睇下有矛地方去！不如去汀九公園玩返陣！
點知一落街，落雨再加天黑黑，唔通連個天都唔鐘意我？唯有除消！既然落左街，就諗住周圍行下！唔係又去海濱短廊呀！夠皮啦！