*奶茶與你同行*

2011年8月13日星期六

五歲生日會—籌備篇

其實真係無諗過再搞生日會，好怕滾搞人，但細心用手指一數，會重有幾多機會！既然所有朋友仔都應邀，一口答應出席，為左衷心感謝每一位出席朋友，一定要準備返一份有誠意禮物送返俾所有親愛朋友，亦都希望你地記得我！

重記得上年所送頸巾！

http://blog.yahoo.com/_K4UCX4YTM2UGVQVLPINV4L5COA/articles/25665/index

今年都係準備番頸巾送俾朋友，舊年係熊仔，今年又係熊仔，都係唔好，係到諗緊嘜野好，突然見到紙板人，係喎，一於整個紙板奶茶先！上網左右，終於奶茶紙板公仔誕生！希望你地喜歡！

生日游

有假放有假放，話晒今日我大晒，咁會帶我去邊玩！諗黎諗去，米又係去游水！哈哈！咁去邊樹游好，又再諗黎諗去，米近近地雙仙灣！

下晝成四點先出發，點知一去到，數千萬個掃興，只不過一個禮拜，點解會變成咁！成個海都係垃圾，係每一處，水面上都係垃圾，有大有細，又有死魚，D水超級污糟，全個海灘用四個字，慘不忍睹！

咁一場黎到，跑下都好，反正得我地包場！

2011年8月12日星期五

Happy Birthday 我五歲了！

時間真係過得好快！眨下眼，今日我五歲了！哇哈哈！夏天出世我，特別喜歡炎熱八月十二號，因為今日我大晒！每年生日，都有蛋糕慶祝！今年亦都唔例外！踏正十二點，蛋糕從雪櫃出黎一刻開始，我已經知道呢個小蛋糕係屬於我！哈哈！

Milktea Bday 2011 005

2011年8月8日星期一

夏日炎炎@雙仙灣

市區氣溫好似越戰越勇，今日重破紀錄達35度，冷氣機都頂佢唔順！夏天唯一節目米就係得游水，好，一於約埋附近D朋友仔，去大家都末去過雙仙灣！原來真係好近，的士十分鐘就到，超方便！可能今日真係熱左D，所以沙灘都好多人地同狗地，我地成五點先去到，雖然重勁太陽，不過個灘凹入去，所以太陽伯伯曬唔到！其實今日阿四矛去，得御用攝影C帶我去，攝影C負責游水，所以矛得影相，不過矛有怕，有小花EE充當攝記，所以全部相係小花到偷返黎！今次D相係米特別靚呢！

2011年8月4日星期四

如隔十二秋

有云不見一日，如隔三秋，不見四日米十二秋！阿四去左返工，四日矛返屋企！好少咁耐！等我日日望住門口！
睇黎應該今晚返，成十一點幾，重末返！有無菜呀！

越等越眼訓！

2011年8月3日星期三

新YAHOO BLOG VS BACKUP舊BLOG

唉！唔搬唔搬，最後都搬左！可能手痕關系，突然一下子UPGRADE左個"扑"，幾驚有D唔見左，好彩全部搬運成功，值得可喜可賀！哈哈！不過D人名全部唔同，又矛相，唔知邊個打邊個，你地可以係暫時性新BLOG改番個名，我就認得到你地！

係UPGRADE前有人問我點BACK！好等我講一次過你地知！

首先DOWLOND FIREFOX 3.0 瀏覽器！

2011年7月30日星期六

你地幾時搬！

一個寫左兩年半BLOG！收到業主通知，要清折逼遷，重要限時搬出，否則一樣不留，而家搬就有免費運輸！咁點好！一時間，住開有感情，突然之間要轉新環境，真係殺我措手不及，百般之味在心頭！雖然唔知新居點，但係慣左就係慣左，無計！一向都唔鐘意接受新嘗試！

2011年7月29日星期五

整容記

兩個月前先飛完髮！兩個月炸！其間重光顧左兩次山寨M DOG！但唔知點解，我D新陳代謝快到嚇C人，頭髮長到癲佬正傳咁，犀利哥又再次上身！點解會咁！係時候要去恤番過靚髮先得！本來約左聽日下晝先剪，點知天文台話打風，如果打得成米閉家伙，矛得剪，拿拿臨打去睇睇有無位攝先！幾經辛苦俾我攝到四點鐘！我地準時到左，不過原來末得，要等多半粒鐘！咁唯有周圍行下，不過成個西貢好似火爐咁！