行出山路，又係一條新舖水泥路！行得超C服！十零度太陽下，一個字正！
今日咁好天，咁梗係出去玩！茶包個FRIEND成日話我行山係米自己行，鏡頭背後係米要抱，唔信我，睇少我，佢話今日要約我行返轉，行米行，洗怕你！地點就俾我自己選擇！好啦，我就交俾茶包，佢選擇左一條好有意義路線，深井荃灣元荃古道，點解，原來係一年時間，我分開左小欖至大欖，大欖至圓墩，圓墩至清快塘，清快塘出荃灣(元荃古道)下花山，下花山至川龍，川龍至城門水塘，城門水塘環塘游！換言之，我小腳板已經由城門水塘踏足至小欖！YEAH！所有路線可以連成一線！
深井村出發啦！呢個位，就係呢位挑戰者住所，佢由細住到大！SO WHAT！雖然佢係地膽，但我一D都無有怕！
又到聖誕，今年我已經叮囑大家唔好送禮物過我，你地實在太客氣！(咀角微微向上，遠看像微笑，實情是奸笑，奸計得呈中！)
上星期已經收到一份失而復得禮物，米就係上次去玩唔見左果個有心人送肖像銀包！
噢！踏入十二月，咁重要日子，又係我節日先生出場為大家帶黎歡樂及送上祝福時間，重記得上年出左篇聖誕樹四歲了，換言之，聖誕樹今年五歲了！聖誕樹同我同年，不過今年佢老左，白色變左黃色！唔緊要，因為有我先有佢，我唔會離棄佢！我同佢會每年都盡心盡力為大家送上祝福！
今年我聖誕老人碌造型，上年聖誕樹下空洞洞，叫人送禮物，今年就等我送返D禮物過大家！
今日巧凍呀！不過就好好天，又係我去玩好機會，不過今個星期玩得太多，所以今日去左近近地城門水塘！出門口都有D寒意，做好御寒措施！頸巾一定唔少得！由於近，路程又短，所以我地一點先出發，太陽伯伯當頭曬，咁樣行山簡直正斗！
你估真係咁好心，山長水又遠帶我去獅子會玩，其實今次主菜係要我去剪頭髮，成兩個幾月矛剪過，中間山寨M DOG求其修修就算，係時候日本姐姐執返劑！
原來B DOG裝修完！都算新幫襯！三個鐘之後！
今年最後一個大假，唔係唔玩盡佢，反正重有幾日就返工，襯今日藍天與白雲，快D帶我出去玩，過幾日又轉凍！去邊度玩，梗係個襯番我個身份，你睇我披頭散髮，成個金毛獅王，一於去獅子會！不過去獅子會有個DRESS CODE，就係要著返件小花EE送我獅子衫！
每晚食過飯，係屋企"消屎E沙"，就等等等，等咩呢！米等運到，就係落街散步！日日都係行果兩條路，都幾悶！不過晚晚都經過呢個公園，其實公園有咩玩，我都想玩！
夜媽媽，呢到水淨河飛！唔好SIDE，等我八下都好！
今日天朗氣清，實在係遠足行山好日子，記得對上一次去烏蛟騰好鬼熱，差唔多成廿幾三十度，今日就好好多，得果十零度！簡直正斗，行得超輕鬆！今次約埋卡卡同MOSES兩兄弟，話曬我去過，等我帶你地去所賞下有小桂林之稱烏蛟騰三椏之旅！我地約左十一點係烏蛟騰集合！
不過今朝都幾凍，你睇我做足準備，連頸巾都帶埋！
今日約左老友記係藍天下，一於去跑個痛快先得！我地十一點到左大棠，對上一次黎大棠已經係上年，不過上次就去左行山，而今次我地就去左大棠大草地，亦都係我第一次黎！今日天氣奇好，唔去玩，簡直浪費！
一可以放繩，立即變成飛奔野馬！
