是日晚餐

今日，有人見我唔肯食早餐，又要我返工(做實蕉) 冇得去玩! 有人好內疚， 所以， 就早D返屋企早D同我落樓下行下， 等我食晚飯時有返D食慾!

今日熱到屎， 等太陽伯伯開始放工先行都好!

奶茶妹妹

如果一路都有睇開我個成長日誌，又如果識我人都知道！帶我返黎果一刻，我同我阿妹二選一，由於果時我正在同我阿妹打緊交，打到佢呱呱叫！當時實在係咁頑劣之下而帶我返屋企，所以我知道我有一個細妹！唔知佢而家變成點呢！
我都嘗試過千里尋親，可惜賣我果位，唔知道細妹賣左俾邊個！我記得我同佢細個E毛E YOUNG！
唔知佢係米變成咁！

我要起飛—機場南跑道

呢個地方，一直都好想同我去好耐，最近見BLOG友圓咕碌去完，好一於襯今日復活節最後一日假去！重要四點幾先出發，希望影到黃昏日落一刻！去邊到，就係阿四返工地方，機場啦！
我地四點幾去到，話時話佢係機場返工咁耐都末黎過呢到！平時係飛機遠處就望個呢個地方，但係黎到跑道尾真係第一次！

快閃城門遊

星期日，復活節假接近尾聲，先有假放，星期六晚拿拿臨計劃行程去邊玩！有選擇A，選擇B同選擇C！一早黎個魔鈴CALL，可惜人算不如天算！居然落雨，所有ABC餐，全部無得去！除消鳥！簡直憤怒鳥！唯有再訓過！
到左中午時份，已經矛再落雨！個地下又乾返晒！即刻再吹雞，黎個快閃行！近近地又係石屎路唔多選擇！決定去城門水塘行返轉！

開心愉快鶴藪沙螺洞(下)

如果命運能選擇，十字街口你我踏出的每步更瀟灑！好既然時間尚早，山長水遠一場黎到，我地一於踏出瀟灑一步向沙螺洞方向出發！

開心愉快鶴藪沙螺洞(上)

尋日去完橋底玩左一個下晝，好似末夠喉！所以尋晚搞盡腦汁，去邊樹玩好！手機有個"鴨屎"叫"郊樂行山"，一於睇下有咩地方介紹！見到鶴藪呢個地方，有人諗返起中學時期去過，不過好模糊，我有末去過一於就去鶴藪啦！
見到鶴藪有條家樂徑，一於就行呢條家樂徑啦！其實香港一共有十二條家樂徑，數數手指我已經去左五個，話明家樂徑，梗係適合一家大細去玩！
不過今次又係"魔玲"Call，八點起身，九點出發，想早去早回！

半個鐘已經到左鶴藪，呢個營地地標，你地認住佢啦！好多人話我靚仔，不停俾途人影影影！

相約在橋底

今日收到朋友仔CALL話約我到橋底公園一聚，咁近屋企，當然矛問題啦！我同ELLIE地準時到左橋底公園，不過D 朋友仔末到！
我同ELLIE米周圍自由行一下！

魔鈴龍門郊遊徑

晨早留留魔鈴CALL，八點鐘就要爬起身，因為有人下午"戇CALL"，唯有張所有節目順推至早上，希望係下午前完成所有活動，咁就可以安心"戇CALL"，隨時返工！
次次去川龍都嘆茶，今日由於時間關係，飲茶呢PART可免則免！所以我地今次搭車直達龍門郊遊徑！龍門意思就係川龍同城門，記得上年都行過龍門郊遊徑，果次又熱又濕又焗，不過今日剛剛相反，又好天又唔熱又乾爽，正爆！

即興獅子會

尋日黎個霎時吹雞，今日又黎即興吹雞！同樣地今日又係"戇CALL"日，差唔多"戇CALL"完，又黎吹個細雞！諗黎諗去去邊好，上個禮拜係鯉魚門睇海鮮，有人提議不如今晚食海鮮！就一於入西貢！去得西貢又成四點幾，矛得幾個放電地方選擇，一於去獅子會！

霎時吹雞

阿四近排要ON CALL，當然唔係電視ON CALL 36小時果D專業E生啦！所以矛得約好去玩，星期六差唔多"戇CALL"完，又見矛野DO，黎個霎時吹雞，問下身邊朋友仔，襯天氣重末熱，黎個BB蕉！估唔到臨急臨忙吹雞，居然一呼百應！

約好八點係老地方等，去之前，放下電好喎！