塔門遊(島上篇)

風水佬呃你十年八年，原來天文台呃你十幾二十年！今日天氣好彩無太陽，重要有風！兩個擔心，都俾風伯伯一掃而空！

開始向島上出發！喂老友記快D行啦！

LAUGHING都急不及待！

一如以往，又係由我一馬當先，係呢個時候，我特別掛住我個孖必兄弟乖乖，佢一定會同我叮當馬頭！

話咁快到左石，一個出名境點！

經MILLY EE特別介紹影到石影相有利位置，我地個個排隊影相，哈哈！好似D旅行團咁排排隊，搞笑！

原來呢個地方，全部都係草地，怪不得叫GRASS ISLAND！不過周圍都係牛屎，所以應該叫COW SHIT ISLAND！！雖然周圍都係牛屎，不過大家都好少理，照跑可也！

小白見到草，開心到連姓嘜都唔記得！

話明係島，所以四周環海，海天一色！超靚，所以係咁捉我影相！

影完相，又係我周山走，今日有好多旅行團係塔門，我不停係人腳中穿梭，又不停俾人叫奶茶返黎呀！島上遊客，差唔多大部份人都知道我叫做奶茶，真係醜死怪！有D唔識人重同我講，奶茶你唔好行咁快！真係瘀爆！

行多一陣，見到個石灘！大家都落去HEA陣先！

梗係又到排排坐，影影相！

又上次我HIGH草，今次到小白啦！哈哈！

話咁快就行完成個島，雖然呢到好靚，但係真係好細，行左一個鐘多DD，重要邊行邊HEA，就行晒呢個塔門！D大人就去左濟五臟廟！佢地個個淨係講好好味！好嘜鬼味，我地幾隻小鬼都無得食！

到佢地食飽飽，見時間尚早，重有差唔多成粒鐘先有船！我地就周圍遊！

珮珮媽媽！

TORO借左珮珮頂帽，成個大家樂收銀員！

小白有經理人服侍補裝！

所以D相幾正豆！

我同小白重去左投票！

臨走前經過天后娘娘廟，希望娘娘保佑我身體健康，聽教聽話！哈哈！

最後搭船返屋企，咁就渡過左一個愉快星期日！