點剪

點唱，點歌，點，點菜，點相，相信大家都好熟悉！咁！點剪你聽過末！
話說我都夠時間剪頭髮，都唔知剪咩好，經小白媽咪提議，剪返呢個頭，其實我心裡面都係想剪返呢個圓碌碌清爽短耳裝！就係咁，我接受小白媽咪"點剪"，哈哈！你知啦，我要同小白來往嘛！哈哈！梗係要接受"點剪"啦！

我重帶埋張相去添，驚唔夠繪形繪聲，剪錯就閉家伙！

經過四小時之後…………

哈哈！係米好形仔呢，係米好得先！係米無得彈先！

麻煩各方好友，高抬貴手！記住認同我以上說話！記住呀！佢話用左五百個太陽剪呢個髮！如果唔好睇，實激屎！不過佢話我好似四方果遮梨！

係接我時候，發生左小插曲！話說黎到接我時，係玻璃門後有一對好誠懇眼神望住佢，而鋪頭人亦一邊打開果個誠懇眼睛籠，一邊講奶茶今日好乖，好合作！但佢心諗有無搞錯呀，話明剪小圓頭，典解重咁長，話明剪小圓筒腳，無端端變左喇叭腳！心諗點解會咁！誠懇眼睛重唔想離開個籠，佢重諗住行入去幫手捉佢出黎！當行入玻璃門後，係一個見唔到角凹頭傳黎一把雄厚，圓渾而又非常熟悉聲音！我的天呀，有無菜呀，居然兩個都搞錯，張我認錯左係誠懇眼睛！實在太太太太過份，真係咁似咩！如果我唔出聲，佢一定會帶誠懇眼睛路狗甲返屋企！所以我提醒各位家長，小心下次會有人認錯，帶左你地狗返屋企！小心小心！

枉我幫佢打左三年工，居然唔認得！怒火中燒ING！