耳仔係我身體最靈敏一部份，能夠分辨出你感覺！從你聲線語調，知道你喜，怒，哀樂亦都影響我喜，怒，哀，樂！我最喜歡聽到係個EAT字，街字！最討厭聽到係閂門聲同鎖門聲！
九型人格你聽得多，我諗九型狗格都應該有，我屬於邊一格，相信我係有性格！但佢覺得我係衰格！
每一次獨留在家，係臨離開之前，都會為我準備玩具呀，小食呀咁！又有收音機聽，等我可以消磨下D時間咁！我都會食下HEA下咁等！
上星期，成鬼日落雨，搞到我矛晒心雞！點解會矛心雞，落雨矛得落街！太太太過份，可唔可以等半夜大部份人都訓晒較先黎落呢！
終於等到一晚無落啦，但個地周圍都濕晒，又有水氹，唔好話俾我聽又矛得去，咁難得停雨！梗係有計仔啦！SHIRO 媽咪專程幫我係馬交買嘅水靴簡直大派用場！
一向有睇開我個"扑"人都知道，從前我係一個無膽，無自信，無耐性，無社交生活，無自我控制能力，無……實在太多太多的無！我亦都知道因為我所有的無，另到佢覺得非常內疚！我的無，係無係開始時有最初的有！
作為荃灣區子民，大部份活動都係區內進行，哈哈！KAREN EE佢實在太好啦，連放大假都記得我！本來諗住去荃灣行下山，天氣實在太熱太焗啦！為左遷就我，等到黃昏時份，我同乖乖再去海濱短廊行下！乖乖俾我OUTGOING得多，好開心同其他狗地打招呼！我都有打，不過離遠神交…
點唱，點歌，點，點菜，點相，相信大家都好熟悉！咁！點剪你聽過末！
話說我都夠時間剪頭髮，都唔知剪咩好，經小白媽咪提議，剪返呢個頭，其實我心裡面都係想剪返呢個圓碌碌清爽短耳裝！就係咁，我接受小白媽咪"點剪"，哈哈！你知啦，我要同小白來往嘛！
哈哈！梗係要接受"點剪"啦！
上次講到離開BUBI私竇後，大家都唔想散BAND！係我屋企附近，等我帶大家去我成日浦果個地方玩返陣！米就係荃灣海濱短廊！典解叫短廊，明明叫長廊！因為有大半已經唔歡迎我地，歡迎只有短短一PART，所以米叫短廊囉！
等我帶你地行啦！
終於放完八日大假，當然唔係我放大假呢，我反而重辛苦，失去八日訓晏覺機會，好彩聽日開始可以進入休息狀態，哈哈！
黎到大假最後一日假期，天文台又講大話，天氣報告誇張到天氣先生遇溺！等大家以為落大雨，矛得戶外活動！經KAREN EE提議，去新朋友BUBI私竇進行室內派對！我梗係第一個舉手報名啦！
一去到，原來大家都到齊！個個都好合皮，走黎走去！我第一個發現KAREN EE有所行動，咩行動，梗係有好野食啦！霸返個有利位置先，KAREN EE你睇唔睇到我呀！我排第一！
有細到大，食係我一生中最快樂時光！直到有一日有人問我，我最鐘意食嘜！原來呢個問題係我個角度係非常難答同埋係唔到答案問題！
好似肉，無論雞肉，牛肉，羊肉，駝鳥肉，必定十秒內清碟！
又好似生果，無論蘋果，雪梨，西瓜，士多啤梨，橙，天桃等，末試過有渣淨！
等待係我每天唯一堅守工作，等待亦成為我一生使命！
每
天早上，我等待著新的一天來臨，每一天工作由等待早餐開始！漫長一天亦慢慢開始，重你離開大門一刻，我眼睛注視就係你離開我唯一一扇大門，雖然
係漫長等待中，有時會愉懶，有時會唔專心！但門外一舉一動，可以張我整個專注力立刻變會集中！每次當你回家，你會發覺我眼睛與大門永遠成為一條對角
線起點，我從來唔會用我其他身體部位對住大門，你不用擔心，我應該繼續保持住呢個姿勢等待你回家，因為這是我唯一工作！
