Dyson Ball DC48 吸麈機

Dyson呢個牌子，大家一定唔會陌生，一直用人性化而又時尚o既設計，深入民心！其實何止深入民心，更深入寵物之心，特別係我奶茶心！自從上次介紹過Dyson Groom吸頭，專為寵物設計，可以一邊梳一邊吸毛，唔會搞到周屋毛！

小朋友之約會(14OCT2013)

識我o既都知，我有一班人類小朋友圍繞我長大，正確黎講，我係睇住佢地逐個逐個出世，又睇住佢地逐個逐個長大！好多時佢地D活動都邀請我出席，如果我地出，佢地會就晒我，只要俾狗去到o既地方，去邊度都無所謂，只要可以一齊玩！一早已經見個天陰陰，又無落雨，已不停吹雞話出去活動！去邊就由我話晒事！
見咁有誠意，好啦，活動就由我安排！第一站本來去迪士尼，一去到落雨，真係掃興，唯有轉場我帶隊去左深水角徑，去到D雨都無停過，再轉場入東涌！唯有間餐廳，可以邊食邊等！
食食下，終於停雨啦！

重陽去拜山@逢吉鄉(13OCT2013)

今日重陽節，當然要去拜山，本來我矛份去，經我苦苦哀求(又叫，又嗚咽)，終於頂我唔順，帶埋我去！不過去到都無人同我玩，個個係到整野準備，連豆丁都帶埋功課黎做！咁我唯有自已玩！

Ducky Box 九月號

每次到月尾，又係驚喜時刻，因為又係期待收到禮物o既開心時刻，每次都唔G裡面係嘜，呢樣就係DUCKY BOX神秘之處！再一次多謝PR姐姐送出九月號o既DUCKY BOX過我！
每次開都好興奮，因為你真係估唔到裡面有嘜東東！

我的是快樂TEDDY BEAR

踩左一陣單車，我地要走先，不過就好趕，飛車入西貢，好彩趕得切，唔可以遲到嘛！去到B Dog，沙池姐姐已經迎接我啦！放低我，佢又去返馬料水同返佢地D小朋友會合！食飽飯先返黎接我！
離開前，沙池姐姐問我點剪，我就話照舊啦！經過三粒鐘！

小朋友單車日(06OCT2013)

星期日黃昏有野做，不過下晝收到朋友仔邀請，叫我去踩單車，見有時間，當然"撈波笨"啦！佢地提議去馬料水，GOOD！大家都準時到左科學園集合！
噢，原來佢地買左新單車，唔怪得G話要踩單車呢！朗言有新單車，就借舊叮當單車過我，去踩車，點可以矛單車，一人一架，幾好！

長毛飛遊汀九(05OCT2013)

星期六得個下晝可以出去玩，夜晚要我留守在家，見出面咁好太陽，出去行下都好，唔好SIDE左咁好天！近近地就去汀九放下電先！
除左好天之外，重好好風添！

尋根之旅

離開大尾督又唔想咁早返屋企，突然醒起一個地方好想去，擇日不如撞日，一於就去！去邊，就係我同茶包第一次見面的地方，本來打算月尾先去，係我七年前同一日，不過要返工，就而家去啦！
原來我地第一次見面地方就係大埔中心麥當勞門口，熟我o既應該知道我係自家繁殖，所以約左係果度等！所以呢個係我地一個超有紀念價值！七年無再黎過，今日重遊，別有一番滋味！

快閃城門遊

十一國慶日，天氣咁好，當然要出去玩，不過有人夜晚要返工，所以要早D出動，左諗右諗，不如去踩單車，咁去沙田定大尾督好呢，不如去沙田！踩返個零鐘，可以早D返屋企！
到左歷史博物館！

臨秋別蛇(29SEP2013)

唔經唔用覺，九月已經過去，中秋又過左，開始有D秋意，係秋涼前，點都要游多次水，作為告別AMAZING SUMMER！自從上一次去過大蛇灣之後，一直念念不忘，不如就去多次呢到作為告別夏天之旅！上個月已經吹雞同做準備，本來PLAN左22號，可惜由於颱風天兔襲港，被逼廷期一星期舉行！
好彩天氣唔差，我地九點開船，好快已經到達大蛇灣，咁早當然我地包場啦！