JAGABEE好好味

好野！我見到廳到有一個大o既購物袋，裡面有檸檬茶，菜心，有幾他野……重有一罐唔知嘜東東o既野，不過我見過好多次！好似好好味咁喎，喂喂，係米買俾我食？喂喂，係米買俾我？點解無人應我！原來洗緊碗，唔答我，即話俾我食啦！正！

等我自已慢慢搣，慢慢歎為先，JAGABEE，咩料呀？好易開遮…

嘩，原來係卡樂C薯條，好香呀，超級超級好味呀！聞就聞得多，次次都無份食，今次咁好，成杯俾我食，食下一條，食下又一條，真係好好味，正到不得了，成世仔都末食過咁正斗o既野食！

快樂不知時日過，差不多K.O晒o既時候，突然有人咆哮，嚇得我呀！好彩我無哽親，唔係為你是問！

跟住NON STOP俾人鬧啦，話我偷野食，又話食死我，又話我曳啦，無用啦，肚痛呀………太多了，不能盡錄…

我知一定唔會放過我呀，要我係門口罰坐囉，次次做錯事都係果個位啦！不過講俾你地知，真係好好味，罰都抵！

我視線一路都無離開過JAGABEE!!!!!重LAM LAM，回味緊！

真係好唔捨得！WOOOOWOOOOOWOOOOO!!

我好呀，放得我末呀，知錯啦！下次唔偷野食囉！你自已唔收好之麻！

各位朋友呀！食左半杯薯條會唔會好似佢講到咁又肚痛，又甩毛！我開始有D擔心添！