夢想終於成真

傳說中，有個天堂，有大大草地，有花，有樹，有雀仔，有小橋流水，有好多笑聲，有好多狗仔無憂無慮，自由自在地奔跑！沒有歧視眼光！沒有煩惱！邊度咁筍！米就係彭福公園囉！話來失禮，我咁大個仔都係第一次踏進呢個真正狗公園！

好彩有人就黎放完大假可以帶我"向彭福出發"！如果好似我咁米好囉！日日都放大假，哈哈！

陌生地方，我一定"拗底"！放心，俾我熱完身，我會百份百投入！

經過我四方八面觀察，確定環境安全，大人，你可絕對放心！除左放心，你都要放繩！

巧開心，真係人間天堂，如果我參加賽跑，一定俾人捉我去驗尿，睇下係米食左興奮劑！

係時間停低，休息下先！

有無菜呀，又整鬼我！

場內突然廣播：跳闌運動員，最後召集！參加完一百米賽跑，氣都未回，又要趕去跳闌 比賽！各位，唔駛擔心，我會全力以赴，跳得最好！唔信……

後來，有好多朋友仔出現，我開始出現不安情緒！

經過好多人鼓勵，其實係我扭抱，但又唔抱我！係咁閃我！當無得逃避時候，我惟有學識接受！我鼓起人生最大勇氣！

最後我同其他三隻狗仔一齊行左有五百米距離，雖然我同佢地保持適當距離，但對我黎講，有超級進步！

彭福，我同你講呀，我一定會再黎，你放心，你記住等我！

由於我D頭髮實在太長，搞到我睇野唔清楚，係時間恤返個靚髮先！唔知雪MAY姐係米知我今日參加完陸運會，所以送我一個WINNIE THE POOL金牌過我，哈哈！