挑戰八仙嶺(30NOV2013)

一直好想好想挑戰八仙嶺，不過知道路途不算簡單，所以要呢幾年不繼行山，有足夠體能去應付！除左體能外，天氣亦係一個好重要因素，希望係今年完成我們一起過瘋癲的夢想，一個我倆共同擁有個超值得紀念回憶！
知料搜集方面，已經準備左兩三年，一切準備就緒，只欠東風！終於等到二十度以下，天朗氣清日子！點解咁多擔心，因為路程長，慢一有咩閃失，中途退出位置不人多，所以一定要安全行事！帶左四樽一點二五公升水！出發啦！
為左交通方便，我地由鶴藪開始旅程！不過要上八仙嶺，由鶴藪一開始已經要上大斜坡！

行左三個字已經上到水塘入口！

再沿水塘邊行！

黎到郊遊徑入口，我上年已經行過呢，今日係上八仙嶺！

呢到開始上山，作最後決定！

一路上上上，係無窮無盡樓梯，開始樓梯都算易行！

易行還易行！你睇有排先要到山頂！

開始石級越黎越高，消耗體力亦越來越多，我地行下，停下，休息下！

回望鶴藪水塘！我地已經上左好高啦！

不過距離山頂重有一大段路！

繼續上山，我地中途已經休息左N次！

行左個幾鐘，我地終於到左屏風山！

風景一望無際，頭先佢地辛苦已經忘記晒！

而我重電量十足！當見到咁靚風景，真係好值得上黎！

我身後面就係深圳啦！

我地要繼續上山去最高山頭黃嶺進發！

回望頭先屏風山，我地已經行左好遠！

沿住山脊走，果種感覺好正好震撼，可以欣賞兩邊唔同風景！

只差少少就可以上到最高啦！

我地行左三個幾鐘約於到左黃嶺啦！

站在最高點，成個船灣淡水湖就係我地腳下！

離開黃嶺，八仙嶺就在不遠處！

在山嶺走，不停上上落落，平路真係好少呢！

由開始上啦，我一口氣已經上到啦，你地如油呀！

第一個仙嶺，純陽峰！

落峰再上峰，鐘離峰！

我已經跑上另一峰，你地漏電嗎！

果老峰上！

真係一峰又一峰！

拐李峰！

我精力充沛，不過有人大腿抽筋，兩個膝蓋痛到入心！但我唔想坐直昇機上報紙，繼續努力啦！

次次都係我第一個登峰！曹舅峰！

到左彩和峰！

唔好以為無嘜人，其實個個峰都有人邀請我合照，重話我叻仔！

又衝落峰，重有兩個，好快炸！

湘子峰！

重差一個就完成啦！

我地終於到仙姑峰啦！挑戰成功！

不過重有個零鐘落返山！

到左春風亭，即話差唔多完成！

用左五個半鐘，我地安全到達終點！

感恩，可以順利完成我們一起瘋狂的夢想，永遠記得今次一起走過山嶺！