無野做，去邊好？

星期六無節目，咁老友記名希又得閒！佢話未去過彭福，好啦一於去彭福玩返轉先！名希重帶埋私家車添，問佢借我玩又唔肯！車，佢架私家車好慢架，我跑快過佢多多聲啦！

追我唔到，追我唔到，梗係啦，我識輕功，四腳離地，會飄！哈哈！

同埋佢架私家車行唔到草地，變左佢又佢駕駛，我有我喪跑！

休息下先！

今日星期六，有好多狗狗！等我過去八八先！

小姐，我好似識你播，下，唔認得？我無飲益力多，咁都唔認得！其實我都唔認得，哈哈！我地其實上過禮拜先一齊行過山，佢米係小白小姐囉！

重有呢個生日妹，一年前我地係錦田見過，都係個句啦：唔記得！

呢兩位小姐，跑得好好好快！好似基飛符上身咁！快到好似陣煙咁，突然係眼前消失，哈哈，好搞笑！

我唔敢挑戰佢地，最多係側邊扮同佢地鬧快！呢張相，好似賽馬，哈哈！

雖然我已經無驚，但係重未肯同佢地打成一片！唯有我自已喪跑啦！

玩到咁上下，係時間閃人！等等…等我爆埋石先閃啦！唔該！唔該！

又要涼啦！每次玩完代價就係洗白白！

屎我啦！