係兩星期前已報名參加,我以為去媽媽島,原來係南丫島,出發前差唔多每日都同我訓話,叫我到時要乖,唔可以點,要聽話,煩都煩屎!
由於我身形龐大,唔能夠入袋,經乖乖安排,我地兵分兩路前往媽媽島!我地係中環出發!其它人係尖咀出發,係媽媽島集合!
我地係一間餐廳集合,到達時,全部人都到齊!大人就食海鮮餐,我就非常唔合作不停爬,執死雞!好彩乖乖媽咪準備一盒親自泡制雞軟骨,好好味,其它小朋友唔好意思,成盒我食左無九成都有八成半,哈哈!大人食飽後,我地出發行山,由索古灣前往榕樹灣!我咁大個仔第一次行山,巧興奮,YEAH!!!!!
出發啦,出發啦!
我成日都要行第一,但係我又唔識路,好彩有乖乖陪我打頭陣!我怕屎,行一陣就會返轉頭,驚屎走失,個個都話我第一次算好好!梗係要扮到最好,如果唔係無下次!
行快D啦!慢吞吞!到達第一個休息點,大家影下合照先,我差唔多霸晒成張咁濟!SORRY KURUMI SHIRO!
繼續出發,雖然好熱,但我興奮蓋過一切辛苦,一於向前行,跑,笑!
我係第一個達二號休息站涼亭!係到等埋其它人,再休息一陣先!
又係大合照時候!
我係邊?登登登…請留意左下角
係都要人企上去,都唔夠位…
抖完HEA完!
到達洪聖爺灣啦!
行左兩個零鐘,終於到達榕樹灣碼頭終點站啦!
總括黎講,今日我自已評分為合格,可惜最後評語為有代改進,因為無耐性,唔等得,成日發牢騷要走!
奶茶,我覺得你好乖wor,去程只不過興奮講多兩句,食嘢食多兩粒,行路行快兩步之嘛 (乖乖都一樣),完全冇問題 ,你Daddy成日話你細膽,但昨日表現超高班,不知幾有自信心!佢要求高所以先至話你有待改進啫,一於叫佢多D帶你出嚟同我哋一齊wet,做個開心大膽仔啦!
回覆刪除[版主回覆03/07/2010 21:08:00]哈哈!我唔只食多兩粒,食左二百粒都有!!!食滯左,今日唔肯食野! 好開心乖乖同我行孖必!
好彩你幫口話我乖!多謝多謝!
好呀!多D約我出黎玩!
最佳進步獎!!!!
回覆刪除[版主回覆03/07/2010 21:12:00]真的嗎?些些!
TORO 同 LAUGHING開心嗎?我就好開心啦!
大隻仔你好叻仔呀!你既表演唔講都唔知你係第一次行山。 驚走失都係一個優點黎架!咁你爸爸就唔洗驚唔見咗你。 Shiro激C我,成日走去山邊,睇少陣都唔知會唔會滾咗落山。
回覆刪除[版主回覆03/07/2010 21:16:00]SHIRO睇唔出人仔細細,膽子大大!哈哈!
多謝你地鼓勵呀!希望好快再有得一齊玩!
第一次行山又見貢多朋友奶茶你 ge 表現好叻仔嫁啦, 加油...
回覆刪除[版主回覆03/07/2010 21:18:00]多謝!簡直超付預期!希望耐性方面可以再進步!個YEAH!
我星期一都同爸爸媽咪去左南丫島,不過剩係同佢兩個...你就好喇..拱多朋友同你一齊行
回覆刪除[版主回覆03/07/2010 21:19:00]下次有機會,我地一齊行!不過我行得好快,要扮勁帶頭行!哈哈!
Ellie : 哥哥, 你寫錯我個名喇 我爸爸話, 奶茶,哥哥一d都唔似第一次行, 佢好叻叻, 我爸爸成日行就成日比嫲婆鬧 ka 下次再一齊反過啦
回覆刪除[版主回覆03/07/2010 22:30:00]ELLIE,SORRY SORRY!已第一時間作出更改!
好呀,有機會再一齊玩,見晒你一家人!多謝你讚賞,我無嚇親你地嗎?
小白 : 奶茶哥哥, 你扮勁帶頭行, 咁返到屋企有冇攰屎咗呀
回覆刪除[版主回覆03/09/2010 15:00:00]係啦!來來回回行多一陪,返到屋企重要洗白白!攰到到成PAT泥咁!
小白妳攰唔攰呀?