再戰南生圍

兩個星期無得出去玩，只係間唔中落下街，上星期又凍又無太陽，我就成為人肉暖包，好彩天公憐憫我我o既付出，星期日太陽伯伯o既出現，可以成為出街最大能量同借口！哈哈！

本來打算去錦田俱樂部，唉！點知俾人包左場，有無搞錯呀？唯有轉場，近近地，就去返南生圍！一去到見到一大班POODLE朋友仔，可惜末準備好相機，無得影相俾大家睇！

今日天氣超好，又唔大熱，I LIKE IT!!!今次都係同我兩個朋友仔朗言同名希一齊玩，巧開心，正！又可以無拘無束咁喪跑！

沒有太陽的錦田

今日星期日，又凍又濕，唔知有無街去？但我聽到電話不停地響，我偷聽到好似有街去喎，心裡'撲通撲通"地跳！兩點開始有D ACTION，我梗係PAY ATTENTION 啦！坐立不安，屋企好似有隻雀仔咁，不停吱吱叫！但又不停地俾人鬧，末夠鐘，末夠鐘！我點識睇鐘遮，我整係想快D出去玩！

原來今日去錦田俱樂部，我記得呢個地方，我係曾經黎過，好可惜今日無太陽伯伯，不過好彩無落雨，我可以係大草地上跑個痛快！今日都有幾個小朋友一齊玩，其中一個係餵我食樹葉o既名希，佢一見我不停叫我奶茶，又不停追住我，哈哈！

愉快的一天-南生圍

今日我巧開心，我去左一個重末去過o既地方，就係南生圍，其實出發o既時候，屋企樓下落雨，心諗去到都無得跑，但既然準備左，又唔想我失望，惟有硬住頭皮照去！

可能天公知道我平時好少出去玩，太陽伯伯又可憐我，當車駛出大欖隧道之後，竟然天色放晴，心情立刻愉快起黎！雖然唔係太熱，但一D風都無，我一D都唔介意，但其他人就話好熱！唉！熱米學我流口水o羅！咁旦單，總之有得跑就得啦！

巧大片草地呀，正！你睇我跑得幾開心，哈哈！在森林和原野是多麼的消遙..............

眨下眼三年了！

十月三十一號，係奶茶一個好特別日子，三年前，由大埔帶佢返黎，記得第一次見到奶茶係同佢妹妹一齊，二選一，都唔知點攔？

果時發現佢超活潑，郁黎郁去，好似條大毛蟲，重發覺佢有一隻手無左一忽毛，超搞笑，咁就帶佢返左屋企，果陣時佢三個月都末夠得1.5KG！返到黎CRY足一個星期，大家都超"橙"！

黃昏WALK 一 WALK

下午時份，明明聽到話同我去行街，三點幾，嘜動靜都無，我緊係要提下啦，由門口拖住條狗帶到廳中央，居然扮睇我唔到，超高招！

四點半，等到終於有行動，原來等無咁熱先出去，早講嘛，等我係到呆等！

雖然唔係去好遠，但我都好開心啦！

秋風起，我很肥！

好耐都無UPDATE個BLOG了，前一排，YAHOO出現左技術性問題，唔能夠UPLOAD照片，所以寫唔到新網誌，不過唔緊要，而家補返數！

過去十月，都無嘜特別事發生，平平淡淡，不過平淡是福！都係成日係屋企灘屍，咬下骨，咬玩具咁啦！

月頭去左雪MAY姐到剪頭髮，剪短D，C服D，條牛牛頸鍊，我"巧屎框"呀！

告別夏天及屋企出現怪獸

中秋好快就到，夏天即係差唔多完結，係告別夏天之前，梗係帶我去游多次水啦！好彩今日都有成三十幾度，亦都有好多狗仔游水！等我為黎個正式FAREWELL2009夏天啦！

冤枉呀大人，唔好收監！

點解我叫你玩，擺埋玩具係你大脾，你都唔"踩"我，一隻眼望電視機，一隻眼望住部電腦，你究竟有無知道我存在？喂喂…好等我出殺手鑭…

首先，我用個鼻一推，你就會大聲話：你再推呀？閂埋我唔會開俾你！

跟住我再用手一拉，"o拍"一聲，你就再大聲講：抵你死，我唔會開俾你，你真曳到不得了…(以下可以刪除)因為我聽過無數咁多次，究竟我講緊o麥，就係呢個分隔走廊同廳o既閘啦！

平時出街散步LOOK！

下午時份，要我著鞋，正一定有街去！ 

點解要著鞋？因為沖左涼三日，有D人又懶，唔想抹腳！同埋係呢個"扑"D相，都係無著鞋，但係其實每次玩完返屋企都要洗白白！無著鞋出街等如沖涼日！

平淡的八月

非常懶惰的八月，平平淡淡，有無特別事，所以咁遲先寫"扑"！

你地見唔見到我呀？