頭暈眼花搬BLOG記( Yahoo Blog 搬去 Blogger)

既然決定左搬BLOG，當然要做D功夫，睇左好幾篇介紹搬BLOG方法同介紹，雖然自已係電腦白痴，但睇完好易明遮，應該無問題，事前做足準備米無有怕！又見上個禮拜得閒，應該好快搞掂！好，就快快手一於做個搬遷大行動！原來好多野係意料之外，諗住一兩日搞掂，結果搞左我一個禮拜！
(((問心講，到而家睇返轉頭，其實好簡單一件事，撇除"相"方面，十分鐘已經有多搬整個BLOG，並唔係一篇BLOG！因為我行左好多冤枉路，浪費左好多時間，所以一定要寫出黎，警惕大家，避免好似我咁重蹈覆轍！ )))



搬BLOG第一件事當然係備份YHAOO BLOG，六個鐘已經備份完，但無左條LINK DOWNLOAD，諗住等兩日，點知唔對路，重係無得DOWNLOAD，唯有寫EMAIL去求助，當然有EMAIL回覆話24小時通知你，24小時後再收EMAIL話48小時通知你，咁樣唔係辦法，唯有直接打去YAHOO，終於打左兩日有人聽，我同佢講清楚件事，叫佢解鎖俾我重新備份一次，又另外叫佢專人瞭解發生咩事！一個鐘後，我個YAHOO BLOG解左銷，我再重新備份一次，即晚已經有得俾我DOWNLOAD！

當DOWNLOAD晒所有野之後，過程應該好簡單，首先處理D相，天呀，原來我舊BLOG有19994張相 6G幾，大鑊！其實D相就好似你存左錢入銀行咁，每張相YAHOO都俾左個NUMBER佢，當然發鈔銀行係YAHOO，所以每張相頭半段係YAHOO銀行，後半段係你鈔票NUMBER！
就算你DOWNLOAD左D鈔票，YAHOO執左笠，所有鈔票都兌換唔到，十二月廿六號後YAHOO執笠，所有相都變廢紙，開唔到，所以要盡快另一間銀行認頭存晒D錢入去！

既然大家用BLOGSPOT就不如搬晒D錢去GOOGLE銀行！
GOOGLE有個雲端GOOGLE DRIVE俾你免費存相，但最多15G！
只要大家登入GOOGLE，再打www.googledrive.com 就去到自已雲端！存相(錢)有兩個方法，1，直接上載 2. 下載雲端PC版！
我第一次用左 1 個方法，點知…我有19994張相，而我張張相都係好大SIZE，結果我用左………70個鐘先UPLOAD晒所有相，天呀！

當我UPLOAD完19994張相之後，用左70個鐘，後悔不已，因為當搬BLOG後，GOOGLE唔似YAHOO咁幫你RESIZE D相SHOW係BLOG到，到時D相出到黎會好大or好細，要逐張逐張執過，二萬張相點執呀！把心一橫，係雲端一次過全部DELETE晒佢，張二萬張相重新RESIZE過去，又用左我十個鐘！終於張全部相RESIZE 到 WIDTH 600 (你可以睇我而家D舊BLOG WIDTH 600 已經OK，如果全部1800都唔敢想象！重要逐張逐張執！)

所以提醒大家最好RESIZE所有相先UPLOAD，到時所有相大細一樣，就唔洗逐張逐張執！
當我又RESIZE晒19994張相之後，我用第二個方法，直接係桌面打開GOOGLE雲端硬碟ICON(如果你有DOWNLOAD下載雲端PC版！)

嘩方便好多CUT and PASTE，天真的我以為十零分鐘搞掂晒，點知我上返 www.googledrive.com 發覺得千零張相，原來係要同步，同步意思就係頭先你CUT and PASTE果D相再UPLOAD相去，留意下圖箭咀，個小雲端ICON不停轉，直至所有相UPLOAD完！又用左我十個鐘，終於存晒所有錢入GOOGLE銀行！

當所有相入晒之後，其實已經距離成功不遠！當你入晒D相(鈔票)後，你會發覺所有NUMBER同YAHOO銀行一樣無變，唯獨發鈔銀行抬頭變左，由YAHOO改做GOOGLE！

所以呢一步就係要返個抬頭出黎！www.googledrive.com 右CLICK你個FILE詳細知料！

你會見到你發鈔抬頭，亦即是你入左D相落邊個ACCOUNT！

記住用COPY and PASTE留返一陣用！

重有一定要張相公緒於世，如果唔係其他人就睇唔到！一樣RIGHT CLICK FILE，選取共用！

再選擇共開在網絡上，按儲存！

再係呢到DOWNLOAD Blogtrans http://sourceforge.net/projects/blogtrans/files  
最好一早DOWNLOAD 定！
打開 Blogtrans 

然後選擇匯入MT(movable type)檔，張係YAHOO備份MT檔匯入，佢會問係米除消分類，CLICK YES，匯出選擇BLOGGER ATOM XML！

過程唔洗兩三分鐘！跟住另存新檔，記住俾番個名，最尾要用.XML
我就用movetoblogger.xml

其實你所有BLOG文字同相指令係晒到！但所有相指令重係去YAHOO銀行，所以要同佢改指令，叫佢去我個新GOOGLE ACCOUNT兌現返所有錢(相)！

首先RIGHT CLICK頭先果個movetoblogger.xml 個 FILE ，選擇用記事薄NOTEPAD開啟！

然後選擇篇輯，再選擇取代！

跟住就係改發鈔銀行個抬頭！
係上面尋找打 ../images (呢個係YAHOO銀行)
下面紅圈PASTE返你頭先GOOGLE COPYACCOUNT  NUMBER 例如 ：
 https://googledrive.com/host/0BxaZZJBw2cdRVmlTb/
記住最尾係"/"號
然後按"全部取代"，咁你所有BLOG相指令全部改晒，佢會識得去你新銀行兌現返你存入相！
呢個過程又唔洗一分鐘！

最後張頭先改完份XML直接存入BLOGSPOT，係設定，其他，匯入網誌！過程幾分鐘，我五百幾篇BLOG入晒！

所有舊BLOG幾分鐘就搬晒過黎！最初我發覺好多相都係死圖，DELETE晒五百幾篇，又入過，又DELETE，又入過，重覆又重覆，發覺好多死圖！跟住心灰意冷，入埋最後第N次，都係好多死圖！唔理啦，已經盡我最大努力！
點知六個鐘頭後，我發覺全部19994相全部認得返，我個理解係無錯，原來係要俾時間去認返(兌現)D相，所以你地唔好好似我咁心急呢！

最後成功張所有舊BLOG，留言連相一次過搬晒！所有私人留言都無SHOW出黎！雖然有時D相LOAD得好慢，不過已經好好啦認得返！其實真係好簡單，唔好好似我行咁多冤枉路就得！

最好真係RESIZE D相，咁就減少好多麻煩！希望分享同幫到你地！