首先多謝KURUMI SHIRO舉辦南丫島一天遊，多謝LAUGHING TORO邀請，多謝乖乖安排交通，多謝小白及ELLIE參與，等我可以度過一個超級愉快的一天！
係兩星期前已報名參加，我以為去媽媽島，原來係南丫島，出發前差唔多每日都同我訓話，叫我到時要乖，唔可以點，要聽話，煩都煩屎！
由於我身形龐大，唔能夠入袋，經乖乖安排，我地兵分兩路前往媽媽島！我地係中環出發！其它人係尖咀出發，係媽媽島集合！
今個星期只有一個字，忙，忙，忙，忙並不是我，係佢，又俾佢公司笨，放假要佢返公司做野，終於今日放假，可以帶我呢個悶蛋出去玩！本來打算效遊，可惜朋友仔名希要生日PARTY，所以無得郊遊！同時由於疲倦威力，起身已經下午時份！惟有去近近地乖乖媽咪所譂述"奶茶的蛇竇"-PET FANTASY！
出發啦，我合埋眼都識行呢條路，呢度係行人天橋嘛！
天氣持續寒冷，又落毛毛雨，都唔知去邊樹好！唉！近近地又帶我去左貓狗天地！今日閒日，都無其他人，得我一位貴賓同其餘七位公關小朋友！
唔經唔覺，新年係寒冷中悄悄渡過，係時候回顧一下過去一週！今過新年，超級勁凍，凍到所有人都無心機，個個都提唔起勁做任何事！而我身邊的，更要返工，超可憐！最凍果幾日，要清晨五點幾起身返工，我都"鄧"佢可憐，結果佢俾寒冷天氣打敗，病倒了！
雖然要返工又病左，不過都百忙抽空帶我出街行下！辛苦晒！
帶左我返老家拜年，搭升降機時，居然有人認得我，話我每年都返黎拜年，又有新衫著，真幸福，哈哈！
首先係到借呢個平台同大家拜過早年恭喜發財！希望大家身體健康，祝願各人心想事成，好似我咁笑口常開！
掃興完，剪晒D衰氣先得！
今次點剪好呢？大突破？唔！我個人較為保守，太IN太潮都唔係咁我！
一路以黎個頭都好圓，今次試下剪無咁圓先得！兩邊剪入D，等個口大D，但個口大D，D毛就好長，又唔想個口D毛太長，唯有張頭頂，兩邊有咁短，剪咁短！
個口望上去米大好多囉！我要做大口仔過年！話時話，除左細過時剷毛外，都未試過剪得咁短！
個身剪到得5mm，每次剪完毛，天文台，就話會凍！
手手腳腳就係我至"屎框"的小圓筒啦！
我最鍾意聽歌，梗係要HEADPHONE耳！一路聽歌，一路FING頭！正！
就快到新年，我唔鍾意新年，因為好忙，無嘜時間帶我去玩，又成日同我講去百佳，講大話，日日都同我講去百佳，又無咁多野係百佳買，去親百佳都幾粒鐘！
今日年廿八，洗邋遢！終於脫離長毛飛大日子！正因為今日去飛髮，名正言順有得去玩！難得今日咁好天，有太陽伯伯眷顧！一於去彭福公園玩返轉！未試過有太陽去彭福！
一落的士，見到幾個工作人員向我投以奇怪眼光，唔通以為我係獅子仔！
行到入口處，!@#$%^&*()，太過份，實在太過份啦！原來今日唔開，太太太過份啦！
既然一場黎到，就係門口周圍行下啦！
今過星期好忙，差唔多每日都要返工，星期六日都要返工，佢返工即係我返工，我返工米即係係屋企訓覺看門口囉！難得今日星期四放假，咁即係我都放假，唔駛做"石Q"看門口！
放假去邊到玩好呢？好啦，就近近地去青衣狗公園玩啦！不過屋企附近遲D都有狗公園，而家裝修緊！好快開張，我夜晚散步時，我有檢查進度，睇下D工人有無偷賴！
今日閒日，都無幾他狗係公園，我自已一個包場！任跑任跳任走，超FREE！
今個星期日，好忙喎！無得去街玩！所以今日星期六帶我出街返！但又唔知去邊好！近近地，就帶我去參加大膽訓練日營！聽落好似有新地方咁，o車！米又係去個個禮拜都去果度囉！講到懶好聽！笨！
出發前，影返幾張相先，首先送上我的心形！心形咀我就無，心形一樣！
！
沿途又影，煩唔煩呀，呀叔！
不過背光又好似幾好FEEL播！
一去到，照舊例牌菜！勁唔耐煩，不停NG NG NG…唔肯落地！NG到全場都望住我！我一於少理，繼續高音譜號！經過半個鐘左右，唱到口都！
最近睇過兩個BLOG友，寫到活在當下！一句既簡單又深奧的說話！好值得反思！
奶茶眼中點樣先做到活在當下呢？原來要活在當下，首先要懂得感恩，滿足！
我感謝，家裡有屬於我自已的床，雖然不是龍床，但總好過在外四處漂泊！我已滿足！
